Դիտեք Հ1 արբանյակայինով. շաբաթ օրը` 10:05 և 23:10, կիրակի 07:45 եւ 24:00 /// Смотрите по спутниковому каналу Армянского Общественного Телевидения : в субботу в 10:05 и 23:10, в воскресенье в 07:45 и 24:00 (UTC+04:00 Yerevan) /// Watch on Armenian Public Television satellite network: on Saturday at 10:05АМ & 11:10 PM, Sunday at 07:45 AM & 12:00 PM (UTC+04:00 Yerevan)

Տերյանական տարի Հայաստանում

Մեծանուն հայ գրող Վահան Տերյանի 125-րդ տարեդարձի առթիվ 2010թ. Հայաստանում հայտարարվել է Տերյանական տարի: Հոբելյանական միջոցառումները կմեկնարկեն փետրվարի 9-ին: Ինչպես այսօրվա ասուլիսին նշեց «Վահան Տերյան» մշակութային կենտրոնի տնօրեն Առուշան Հակոբյանը, այդ օրը բանաստեղծի տաղանդի սիրահարները կհավաքվեն Պանթեոնում, որտեղ ծաղկեպսակներ կդնեն գրողի աճյունին:

Ըստ նրա` արդեն ստեղծվել է հոբելյանական հանձնաժողով` վարչապետ Տիգրան Սարգսյանի ղեկավարությամբ:

Խոսելով միջոցառումների մասին, որոնք կանցկացվեն տարվա ընթացքում` Հակոբյանը հավելեց, որ կհրատարակվի Տերյանի մասին հանրագիտարանը: Այնտեղ կներառվեն ոչ միայն Տերյանի` որպես գրողի, այլև հասարական և քաղաքական գործչի գործունեության մասին տեղեկությունները: Ընթերցողները կկարողանան ծանոթանալ բանաստեղծի ամբողջական կենսագրությանը:

Նախատեսված է նաև գիտական համաժողովի, շարադրությունների մրցույթի, Ջավախքի և Մեսխեթի նկարիչների աշխատանքների ցուցահանդես:

Հակոբյանը նաև հավելեց, որ հոբելյանի առթիվ` տեղական բուհերում կսահմանվի անվանական կրթաթոշակ: Հավելենք, որ հոբելյանական միջոցառումներ կանցկացվեն նաև Թբիլիսիում և Ռոստովում: