Դիտեք Հ1 արբանյակայինով. շաբաթ օրը` 10:05 և 23:10, կիրակի 07:45 եւ 24:00 /// Смотрите по спутниковому каналу Армянского Общественного Телевидения : в субботу в 10:05 и 23:10, в воскресенье в 07:45 и 24:00 (UTC+04:00 Yerevan) /// Watch on Armenian Public Television satellite network: on Saturday at 10:05АМ & 11:10 PM, Sunday at 07:45 AM & 12:00 PM (UTC+04:00 Yerevan)

Լակոնիզմի վարպետ Ստանիսլավ Լեմը ասել է. «Փաստեր կան միայն այնտեղ, ուր չկան մարդիկ: Երբ հայտնվում են մարդիկ, սկսվում են մեկնաբանությունները»: «Մենք հայ ենք» նախագծի հեռուստատեսային ձևաչափը լակոնիզմ չի ընդունում, այնպես որ Սպարապետի սխրանքներին վերաբերող մեկնաբանությունների պակաս չնկատվեց:

Կրքերի լարվածության աստիճանից կարելի էր կարծել, որ բանավեճը զարգանում է մի նյութի շուրջ, որին բոլոր մասնակիցները ականատես են եղել: Դժվար էր պատկերացնել, որ քննարկվող փաստերից մեզ բաժանում է 15 դար:

Այս հաղորդումից հետո շատ շատերի համար «Սպարապետ Վարդան Մամիկոնյանը Ավարայրի ճակատամարտում կռվեց ու զոհվեց` հանուն հավատի» պարզունակ և, հետևաբար, հանրամատչելի բանաձևին տրվեց ծավալուն պատմական, քաղաքական, ռազմավարական և բարոյական «մարմին», ինչից հետո յուրաքանչյուր խելամիտ մարդ իրավունք ունի եզրակացնելու, որ պատմությունը երազանքների և ճշմարտանման առասպելների հավաքածու չէ, այլ, հաճախ, դաժան հայելի, որից մարդիկ փորձում են խուսափել: Սեփական պատկերացումները մենք ավելի ենք գնահատում, քան իրականությունը:

Հաջորդ հեռուստաքննարկումը պետք է որ տեղի ունենար եկող ուրբաթ, բայց որոշվեց 2010-ի հունվարի 1-ը նվիրել այլ տեսակի հաճուքներին: Այնպես որ կհանդիպենք հունվարի 8-ին և կխոսենք Վազգեն Ա կաթողիկոսի մասին:

ՇՆՈՐՀԱՎՈՐ ՁԵՐ ՆՈՐ ՏԱՐԻՆ