Դեկտեմբերի 4-ին կայացավ «Մենք հայ ենք» հեռուստանախագծի հեռուստատեսային շնորհանդեսը, որի ժամանակ հաղորդման պատվարժան հյուրերը բարձր գնահատեցին նախագծի գաղափարը:

Դեկտեմբերի 11-ին, ուրբաթ օրը ժամը 22:00-ին Հայ TV-ի եթերով կհեռարձակվի «Մենք հայ ենք» հեռուստանախագծի առաջին քննարկումը, որի ընթացքում պոետ Դավիթ Հովհաննեսը ներկայացնելու է Գրիգոր Նարեկացուն:

Թվում է թե այստեղ քննարկելու բան չկա. կածես թե Նարեկացու մասին ամեն ինչ ասված է: Սակայն «Մենք հայ ենք» հեռուստանախագծի բանաձևը ներառում է ոչ թե թեկնածուների, այսպես ասենք, «մասնագիտական տեսանկյունը», այլ նրանց ազդեցության տեսակարար կշիռը` ժամանակակից Հայաստանի պատմական կայացման վրա: Իսկ այստեղ կան տարակարծիք մոտեցումներ, որոնք կարող են ունենալ անսպասելի զարգացումներ:

Այնպես որ, կարդալով կամ լսելով Նարեկացու անունը հեռուստածրագրերում, չմտածեք` «նրա մասին մենք վաղուց ամեն ինչ գիտեք»: Նախ և առաջ, համարձակորեն նայելով մեր ժողովրդի 99 տոկոսի աչքերին, կարող ենք ասել` Ո’չ, չգիտե’ք: 70 տոկոսին կարելի է ասել նաև, որ նա ընդհանրապես Նարեկացու «Մատեան ողբերգութեան» պոեմը ձեռքերում անգամ չի պահել:

Դեռ շատ բաներ կարելի է ասել այդ ուղությամբ, բայց ավելի լավ է հանդիպենք եթերում որբաթ օրը, ժամը 22:00-ին և խոսենք հայ Վերածննդի հիմնադիր Գրիգոր Նարեկացու մասին:

Հիշեցնենք, որ բոլոր թեկնածուները, անկախ երկրորդ փուլի արդյունքներից, այս պահին գտնվում են հավասար` զրոյական դիրքերում: Դեկտեմբերի 11-ին, հաղորդման վերջում կհայտարարվի նոր քվեարկության սկիզբը, և կսկվի 12 շաբաթ տևող ձայնատվություն` 12 եզրափակիչ փուլ անցած թեկնածուների օգտին:

Մեզ, «Մենք հայ ենք» նախագծի անձնակազմին, իրոք շատ հետաքրքիր է, թե ինչպիսին կլինեն արդյունքները: Չէ որ քվեարկության թվերի վերլուծությունը շատ բաներ կարող է ասել արդի հայության բարոյահոգեբանական վիճակի մասին: Կհանդիպենք որբաթ օրը: