ՀՈՎՀԱՆՆԵՍ ՄԱՍԵՀՅԱՆ

Ծննդյան ամսաթիվ: 11/02/1864
Մահվան ամսաթիվ: 19/11/1931

Հայ թարգմանիչ, պետական, հասարակական գործիչ, մանկավարժ, հրապարակախոս, խմբագիր:

Ծնվել է Պարսից շահի արքունական ոսկերչապետի ընտանիքում:

1884-ին ավարտել է Փարիզի ֆրանսիական քոլեջը: Նույն թվականին վերադարձել է Թեհրան և նշանակվել շահի պալատական թարգմանիչ:

Դասավանդել, իսկ 1888-ից տնօրինել է Հայկազյան դպրոցում:

1894-ին հիմնել և խմբագրել է պարսկահայ առաջի տպագիր օրգանը` «Շավիղ» շաբաթաթերթը:

Աշխատել է Իրանի արտաքին հարաբերությունների ոլորտում, զբաղեցնելով տարբեր բարձրաստիճան պաշտոններ, այդ թվում դեսպան է եղել Գերմանիայում, Անգլիայում, Ճապոնիայում:

Տիրապետել է պարսկերեն, թուրքերեն, հունարեն, ֆրանսերեն, անգլերեն, գերմաներեն, ռուսերեն լեզուներին:

Հայ իրականության մեջ Մասեհյանը հայտնի է որպես Շեքսպիրի ամենախոշոր թարգմանիչը:

Թարգմանել է նաև Գյոթեի, Բայրոնի, Օմար Խայամի, Թագորի, Սաադիի, Շիլլերի ստեղծագործությունները: